Gedicht: Wai-j ok doe, goed doei ut nooit!

Kom gi-j te laot op ow werk,
dan gif gi-j un slecht veurbeeld.
Bui-j te vroeg,
dan bui-j un rondschuumer of bui-j blij thuus weg te zien.

Blief gi-j oaverwerke,
dan bui-j un uutslover.
Goi-j op tied weg,
dan hei-j gin hart veur de zaak.

Pleeg gi-j oaverleg ,
dan durf gi-j niet zelf te beslissen.
Doei da niet,
dan bui-j eigenwies.

Nim gi-j iemand apart,
dan schep gi-j onderonsjes.
Doei da niet,
dan bui-j onpersoonluk.

Bui-j aordig,
dan wil gi-j de populaire collega speulen.
Hou-je afstand,
dan hei-j verbeelding.

Kom gi-j met nei-je idieën
dan bui-j unvernei-jer
Doei da niet,
dan git tur niks van ow uut.

Laot gi-j aandere iets veur ow doen,
dan bui-j un afschuuver,
Pak gi-j ut zelf aon,
dan bui-j eigenzinnig.

Houw gi-j ow stipt aon de veurschriften,
dan bui-j lastig.
Ai-j ut niet doet,
dan bui-j un slappeling.

Hei-j succes,
dan hei-j altied geluk gehad.
Lup ut mis,
dan wit iedereen ut ow te vertelle.

Mar......................ai-j dood bun,
dan wai-j zooooooo'n kerl.

Aangeleverd door Arno.

• Vorige
• Volgende